Tuesday, March 1, 2011

મ્હેફિલો માં રાજ રાખો... (ગઝલ)

રાતના આ ચાંદ જેવો તાજ રાખો,

દોસ્ત ઓછા પણ ખરા હમરાજ રાખો.

 

આ હવા બોઝલ બને ત્યારે હ્રદયને,

પ્રીતની સરગમ તણો કૈં સાજ રાખો.

 

લ્યો ગઝલ મારી તમારા હોઠ પર તો,

ગાઇને આ મ્હેફિલો માં રાજ રાખો.

 

વે'ણ બોલો માપસરના, સાચવીને;

ને જગતના સગપણોની લાજ રાખો.

 

પ્રેમ માં હો, તો સનમની મ્હેર માનો;

પણ છતાં દોસ્તને ના, નારાજ રાખો.

 

વાત યાદોની કહેવા 'યોગ' બેસો,

તો દિવસ શું, રાત શું, બસ આજ રાખો.

 

યોગેન્દુ જોષી : ૨૩/૦૨/૨૦૧૧

No comments:

Post a Comment