સંભારણુ: July 2012

Monday, July 30, 2012

માફી અને લાગણીના સોય-દોરાથી,
સંબંધ બાંધવા તો ગયો...
પણ હાય રે કિસ્મત,
એમની ચામડી મગરની નીકળી...

યોગેન્દુ જોષી "યોગ" ૨૮/૦૭/૨૦૧૨

એકાદ ધક્કો,
નાની સી અડફેટ,
શબ્દો ખાયતો,
ગઝલ છંદ તોડી,
તાન્કામાં થાય સેટ...

યોગેન્દુ જોષી "યોગ" : ૨૪/૦૭/૨૦૧૨

દીકરી,
એતો છે,
સૂર્ય કિરણ જેવી...
જ્યાં પણ જાય,
પિતાનું નામ રોશન કરે...

યોગેન્દુ જોષી "યોગ" : ૨૪/૦૭/૨૦૧૨

એકાંત સાથે,
સંવાદ કર્યા પછી,
ખબર પડી.
એય શોધી રહ્યો છે,
બે વાતો કરનાર...

યોગેન્દુ જોષી "યોગ" : ૧૫/૦૭ ૨૦૧૨

મેં ન્હોતું કીધું,
ગમે ત્યાં દોડ, છેલ્લે;
ઘર આવશે!!!

યોગેન્દુ જોષી "યોગ" : ૧૫/૦૭/૨૦૧૨

એક છુંદણું,
જેમ પોતાના અસ્તિત્વ માટે,
મૃતપ્રાય થયેલ ચામડી પર,
વળગી રહેવા સંઘર્ષ કરે છે...

બસ હા, એવીજ રીતે;
હું પણ આપણા સંબંધને
પકડીને ઉભો છું.

યોગેન્દુ જોષી "યોગ" : ૧૧/૦૭/૨૦૧૨

પાણી જ્યાં આવ્યું,
કાચઘર બહાર,
ત્યાં અમે જાણ્યું;
કે માછલી રડે છે,
નદી યાદ કરીને...

યોગેન્દુ જોષી "યોગ" : ૧૦/૦૭/૨૦૧૨

ડૂમો ભરીને,
બેઠેલા આ વાદળો;
રડેતો સારું.

યોગેન્દુ જોષી "યોગ" : ૦૩/૦૭/૨૦૧૨

મુસાફર છું,
મનેતો માર્ગ સાથે,
સગપણ છે.

યોગેન્દુ જોષી "યોગ" : ૦૧/૦૭/૨૦૧૨

બાળ મજૂરે,
ત્રાંસી આંખે,
રમકડું;
રમી લીધું.

યોગેન્દુ જોષી "યોગ" : ૦૧/૦૭/2012