દીધુ તમે... (ગઝલ)

મારી ગઝલને માન દીધુ તમે,

શબ્દતરલને ગાન કીધુ તમે.

 

પ્યાલા ભલેને તુટતા જામના,

મારી નજરનુ પાન પીધુ તમે.

 

ખોવા બધુ બેઠો હતો, હું છતાં;

આખા જગતને દાન દીધુ તમે.

 

ઉર્મિ વગરની વાત ના કર હવે,

કાલેજ મુજ્ને જાન કીધુ તમે.

 

થોડી શરત ચુક્યા અમે, શું કરું;

પકડો તમારા કાન કીધુ તમે.

 

રડી પડેલી આંખ જોઈ મને,

પાણી તણુ સંતાન કીધુ તમે.

 

ખામોશ છું હું લૈ દરદ પ્રીત માં,

મોઘમ સરીખુ મૌન દીધુ તમે.

 

યોગેન્દુ જોષી : ૨૫/૦૧/૨૦૧૧