અછાંદસ...

દેશની આઝાદીના જન્મ-દિવસે,
બધા નેતાઓ એ કેક કાપી,
અને ભાગે પડતા ટુકડા
વહેંચી લીધા...

તમારા ભાગમાં શું આવ્યું?
સુકો રોટલો???
કેટલાકને તો એ પણ નહીં...

યોગેન્દુ જોષી "યોગ" : ૧૫/૦૮/૨૦૧૨

તાન્કા...

સર્વે ભારતીયોને આઝાદ દિવસની શુભકામનાઓ...

એક દિવસ વહેલી એટલા માટે, કે કાલે દેશ માટે જે કરવાનું વિચારો, તે આજીવન
ચાલુ રાખો...

નહીંતર આ તાન્કા મુજબ બધું ભઈ "રાબેતા મુજબ"...

દેશ જુવાળ,
એક દિ પુરતોજ,
બાકીતો ભઈ,
વરસોથી એનું એ,
છે રાબેતા મુજબ...

યોગેન્દુ જોષી "યોગ" : ૧૪/૦૮/૨૦૧૨

કૃષ્ણ જન્મ (અછાંદસ)

કૃષ્ણને તો જનમવું છે,
પાપનો અંત લાવવા,
પણ,
દેવકી, વાસુદેવ જેવા
માં - બાપ મળતા નથી...

અને કદાચ,
મળી જાય તો...

યશોદા અને નંદબાબા મળવા,
નામુમકીન છે...

યોગેન્દુ જોષી "યોગ" : ૧૦/૦૮/૨૦૧૨

ક્ષણિકા...

રોજ સવારે,
તેલ ભરેલા અશ્વ લઈને,
ભરણ પોષણ માટે દોડતો માણસ,
શ્વાસમાં મોંઘવારીનો ધુમાડો ભરી,
સ્વપ્નાઓના ઉચ્છવાસ બહાર કાઢી,
આખરે ઘરે પાછો ફરે છે...

યોગેન્દુ જોષી "યોગ" : ૦૩/૦૮/૨૦૧૨